عفوا هاخرج عن الهامش

( حدش ياخد اخويا ويجبلي بداله جهاز تكييف)
الجو حار جدا واخويا نازل كلام
ياعم اسكت ..ياعم ارحم..ياعم هو انت مش صايم.. ياعم هو ماحدش غيري عنده وداان
(طب نكمل بعد الفطار)
ياجدعان...ماحدش ياخد اخويا ويجبلي بداله جهاز تكييف!!!
***************************
الخبرة .. هي المشط الذي تعطيك إياه الحياة .. عندما تكون قد فقدتَ شعرك
تفتكر انا شعري طول ....
يا محمد هو انت فيك شعر اساسا....
ونبي ماا تفكره ياحسين ان شعره بدأ يوقع وناوله المشط
مشط..!!! المشط بقى زيه زي الخبره
مش قالوا ان الخبره هي المشط الذي تعطيك إياه الحياه عندما تكون قد فقدت شعرك
والله انت موهوم يامحمد ده انت شعرك زي الفل
(في احد المحاولات لازالة علامات البؤس من على وجهه)
************************************
في مدونة ما قريت عن اننا بقينا ناس اقوال لا افعال..عن قصة حكيتها صحبة المدونه
...او يعني هو ده اللي خرجت بيه من الموضوع
بس فعلا بعد ما خرجت من المدونه دي حمدت ربنا ان لسه فيا لسان اقدر اقول بيه
(اللهم اني صائم)
*****************************
من قال أن النفط أغلى من دمي
ياعم ايه اللي انت كاتبه ده....طب انا هاسألك سؤال
كيس الدم بكام
مش بكام بنتبرعوا بيه
حلو شوف بقى برميل النفط بكام؟؟
مش بكام .. بردو بنتبرعوا بيه
(بس ده بقى غصب عننا)
عرفت ان الدم اغلى من الجاز!!
****************************
(احنا كدا بأرخص تمن ممكن نبيع.....مبنعرفش قيمه حد غير لما يضيع..
بنفضل ندوس على كل احلام الليالى وبعدين نقول إرجع بقى...إرجع ياغالى)
ايه ده اللي انت كاتبه:- هو مين اللي يرجع ؟
لا دي أغنيه في شريط مصطفى كامل الشريط ياض كئيب لدرجه كبيره
امممم قولتلي
هو عندك الشريط ده ياعم الحج
اه عندي تحب ابعتهولك
لا خليه مش عايزه
ياض جامد فاكر انت اغنية ايهاب توفيق (هادوس على قلبي بالجامد)
تقريبا فاكر حاجه قرييه من كده
الاغنيه دي بقى جامده زيها ...
امممم طب مفيش (بعدك عني انتحار)
*****************************
وعلى غرار الصحف الامريكيه
أعزائي القراء كل الاخطاء المطبعيه التي تشاهدونها على صفحات المدونه جميعها متعمده لانه هناك من القراء تعمد
تتبع الاخطاء لذلك فقد وضعت كل الاخطاء املا في ارضاء جميع الاذواق
********************
بكل اسى خلصوا يومين الأجازه
ورمضان كريم