موضوع يتحدث عن منتديات الانترنت وازدهارها باعضاءها ومديريها ومشرفيها واندثارها بعد الوصول للغاية الانسانيه
الصرح المهدوم
من على باب المنتدى هاقول شوية كلام
جايز تسموا فلسفه وجايز تسموا كلام فاضي
وجايز يكون واقع بس اكيد على الفاضي
لما بحثت في اسباب انهيار الدول عرفت ان اهم شئ
تعدد القوى والحصول على رغباتها الجامحه
يعني لما الدوله يكون حاكمها جيش مثلا
وتبدأ قوة جديده تظهر اسمها الشرطه على سبيل المثال وبدأت تحقق رغباتها ثم تظهر قوة تانيه وقوة تالته كل قوه تقدر تححق اللي بتحلمه ومن ثم وصلت للعايزاه تبدأ الصراعات ويبدأ التفكك وينفرط العقد
والمنتدى دوله لها رئيس وادارات ووزارات وجموع اعضاء
فلما يحصل ان الادارات تصل لرغباتها والوزارات تحس بقوتها يبد العقد في الانفراط تبدأ الاستقلاليه وبوادر الانهزام تترك طابعا على عامة الاعضاء
فتبدأ الاعضاء هي الاخرى في الانتشار هذا مع الذي يروق له وهذه مع تلك التي راقت لها وضف الى هذه التبديله مجموعه من التوافيق..بسلامة نية وبدون ضيق
والاهداف تتعدد والطموح يتمدد ويبقى المنتدى هو الماضي الجميل
او فصل ابتدائي اللي دلنا على الدور النهائي وتبقى لك فيه ذكره يوم تكره بكره ترجع تبص على فكره كنت كاتبها كعبره وماعتبرتيش ليها لان طموحك ماكانش فيها..على فكره ده مش انت لوحدك ده انا وانت وانتي وهما واللي فوق واللي تحت وكل حد ماعرفش قبل المنتدى حد ثم عرفه لما مر عليه يوم سبت على يوم حد
والتحيه لعضو ماعرفش حصله ايه
و لمحمد اللي رد عليه
وكل واحد افتكر انه كان يوم في المنتدى هوالمبتكر
وتحية لعضو شاف منتدى من بعيد
ومر عليه من بعيد لبعيد
كتب فهي قصه على شوية شعر
على كم موضوع كر وفر
وتحياتي لكم جميعا
(م.محمد فتحي) -(أمين)-(عابر)-(المصري)-
(ابن ماجه)
او أي حاجه من الالقاب الجذابه
ليست هناك تعليقات:
إرسال تعليق