زي اي واجب

كثيرا نضع نصب أعيوننا مجموعة من الكلمات التي تحب ان تُسأل فيها دون ان نبوح عن مدى حبنا في هذة الأسئله لكننا نخفيها لشئ ما خفي يكاد يصل الى الامان عندما نكون غامضين او ربما لذة الانتظار هي ماتدفعنا لعدم البوح..ماعلينا..

اعتقد ان في هذا الواجب مجموعة مميزات أهمها الوقوف مع نفسي قليلا-اهمال مجموعه من الضائقات التي أمر بها-التقارب من بعض الاخوه أراهم في كلماتهم بشرا ليسوا اعتيادين..

الواجب عباره عن سؤال لاجابته بعض القوانين التي اتأسف فيها لمرات عديده

عن أني لن أستطع الوفاء بها نظرا لحداثتي في عالم التدوين فضلا عن عدم وجود علاقات بين مدونين كثر

س : أذكر 6 أسرار قد لا يكتشفها من يقابلك أول مرة..

قوانين الواجب: أذكر اسم من طلب منك حل هذا الواجب

. حول هذا الواجب إلى ستة مدونين، وأذكر أسماءهم مع روابط مدوناتهم في موضوعك

اترك تعليق في مدونة من حولت الواجب عليهم،

ليعلموا عن هذا الواجب.

6 اسرار هو يمكن بكون واضح جدا من أول مره...لدرجة اني بتوصف(بناشف وجامد ومابقدرش)بس فعلا هو انا بجبها كده من اولها علشان نقصر الطريق بس بردو ماينفيش ان يكون عندي أسرار

السر الاول

الهدوء اللي بيسبق العاصفه.....يعني ممكن أعصابي تتحمل نشر الغسيل مبلول ومليان ميه بس ماتتحملش كمان ايدين تسند عليها

السر الثاني

عقلاني من بره بره بس العقل ده مالوش علاقه بانطلاقاتي الجنونيه وقرارتي المصيريه الغايبه تقريبا عن العقل

السر الثالث

بموت في الفلسفه والكلام الكبير اللي وجع الدماغ بس للاسف مابحبش اوري ده من اول مره

السر الرابع

بصراحه ومن الاخر درجة القبول من خلال تعابير الوش او التقاطيع بالبلدي يعني هي اللي بتتحكم فيا

السر الخامس

مابسامحش اللي يغلط فيا لان مابغلطش في حد

السر السادس

مابحبش الهزار في الاماكن العامه ولا الصوت العالي وكفاية نظرات ثاقبه وضحكه مقفوله

اللي طلب مني الواجب الاخت سهر صاحبة مدونة سهر

بالمناسبة حالة شجن بتصيبني لما بتدخل مدونتك مع اغنية غواييش

اه بالمره هو انا بكتم صوت الكتكوت اللي عايز قطم رقبته ده ازاي

وهاحول الواجب لمدونة الاخت انا والاتي جومانا

هي تقريبا اللي اعرفها كمدونه

http://gomana204.maktoobblog.com/

وشكرا