طبعا انا ماخدتش بالي من موضوع التاج اللي بيتقدم من اخ مدون لاخوه المدونه لكن على العموم ادينا اخدنا بالنا جرالنا ايه؟
التاج عباره عن رقعة شطرنج وصلني من الاخت انا والأتي (جومانا)http://gomana204.maktoobblog.com/
وبيتحدث عن دنيتنا اللي زي رقعة الشطرنج فيها الملك والوزير والطابيه والفيل والعساكر وكل واحد فيهم له شبيه في دنيتنا
بسم الله نبدأ الاجابه
الملك/ طبعا ده كان اول شرط من شروط التاج ان أكون الملك
الوزير/ مات في اول اللعبه..ربنا يرحمه باعتبار الوزير بتاعي هو والدي رحمه الله
فيل المربع الابيض/ هو اعز صديق ليا عمرو...تحيه له من البلوج بتاعي للموبيل بتاعه لانه مش بتاع نت
فيل المربع الاسود/ بردو اعز صديق ليا محروس بردو تحيه له من البلوج للموبيل لان بردو مش بتاع نت
انا الفاشل اللي فيهم
الحصان الاول/ صديق بحطه تملي في ازماتي الخاصه جدا جدا وهو محمد علي فنان لكن مش عارف انه فنان
الحصان الثاني/للاسف وانا بفتح اللعبه مالقتوش قررت العب من غير حصان ثاني
الطابيه الاولى/ بتوه عن بالي لكنها في خيالي ووقت ما احب اجري تحط ايدها في ايدي وتجري
الطابيه الثانيه/هي أمي وحاطتها قدام الملك تحميه ربنا يخلهالي لانها هي اللي بقيالي
فاضل العساكر....واحد اتضحى بيه لانه ماقبلش حكمي والباقي لسه موجودين لاني لسه في اول اللعبه وفي اخرها اكيد هالاقيهم حوليا فيهم اللي هارقيه واللي هاقول بيه
كش ملك لان مش دايما الرتبه العاليه تكسب
دي خطتي في اللعب..
وفي الاخر لازم أكون عارف إني
هي دي الدنيا
هناك 5 تعليقات:
ايه ياعم كل ده
ده تاج ولا حرب
وكل دول حواليك حلو اوى
بس عجبنى العسكرى اللى هضحى بيه
مذكرتش ده بيمثلك ايه بالظبط
اهلا محمد
بجد ردودك جميلة
والله يرحم والدك
ويدخله فسيح جناته
يلا بقه اعيش وادبسك
ضحكة شريرة نياهاااا
ياسلام يا اخ يافارس اعتبر التاج ده اهداء مني ليك...ورينا شطرتك بقى
ميرسي يا اخت جومانا على المتابعه وميرسي طبعا على التدبيسه يجعله عامر يارب
اولا احب ابدى اعجابى بفكرة الموضوع
ثانيا احب اقولك انى لا افقه شئ عن لعبة الشطرنج ولا عمرى لعبتها
بتفرج ع الناس وهم بيلعبوها بس
بس طول عمرى نفسى اتعلمها بس محصلش لغاية دلوقتى
المهم .. انا عجبنى توزيعك للادوار
ربنا يرحم والدك ويخليلك والدتك واصحابك
انا كمان على فكره الفاشله الوحيده وسط اصحابى
محدش غيرى ليه فى النت
بس كل واحد ليه اهتماماته
ربنا يوفقك : )
طيب انا هابعتلك التاج على استحياء وان عوزتي شرح عن كل شخصية على رقعة الشطرنج هانشرح ...واكيد طبعا كل واحد له اهتماماته بس للاسف بنلاقي ناس كتير مش مهتمه او مابتفكرش حتى تهتم
مرورك اسعدني اتمنى تكراره دائما
إرسال تعليق